ഞാൻ കാനഡ യില് വന്നിട്ട് ഒരു വർഷം ആയിക്കാണും, സ്‌കാർബ്രോ യില് നിന്നും ലണ്ടനിലേക്ക് മാറിയിട്ട് അധികം ആയിട്ടില്ല. ഇവിടെ മലയാളം ചാനൽ കാണുവാനായി നമ്മുടെ നാട്ടിലെ സെറ്റ് ടോപ് ബോക്സ് പൊലെ ഒരു സംവിധാനം ഉണ്ട്. ചെറിയ കുട്ടികൾ വീട്ടിൽ ഉളളത് കാരണം അതിൻ്റെ റിമോട്ട് അധികം നാൾ ഉപയോഗിക്കാൻ സാധിക്കില്ല. ഒന്നുകിൽ അത് കാണാതെ ആകും അല്ലെങ്കിൽ പ്രവർത്തന രഹിതം ആകും. ഒരു ദിവസ്സം നോക്കുമ്പോൾ റിമോട്ട് പതിവ് പോലെ പ്രവർത്തിക്കുന്നില്ല. റിമോട്ടിനു ഒരു 15$ ആകും, അതിനേക്കാളും ബുദ്ധിമുട്ട് ആമസോൺ വഴി ഓർഡർ ചെയ്തോക്കെ ആണ് ഞാൻ വാങ്ങാറ. എന്തായാലും രണ്ടു ദിവസ്സം എടുക്കും, മലയാളം ചാനലുകൾ കാണാൻ അപ്പോ രണ്ടു ദിവസ്സം എടുക്കും. എങ്കില് പുതിയത് ഒരെണ്ണം ആമസോൺ വഴി ഓർഡർ ചെയ്യാം, അത് വരുന്നത് വരെ ഉപയോഗിക്കാൻ ഒരു പഴയതു നോക്കാം ഞാൻ കരുതി. എഫ് ബി യില് മാർക്കറ്റ് പ്ലേസിൽ നോക്കാം, അങ്ങനെ നോക്കിയപ്പോൾ സാധനം ഉണ്ട്. 5$ ഒക്കെ ഉള്ളൂ, കൊള്ളാം പരിപാടി എങ്കിൽ അത് പോലെ രണ്ടെണ്ണം വാങ്ങാം. നോക്കുമ്പോ ഒരെണ്ണം ഉണ്ട് സെൻ്റ് തോമസ് ആണ് 5$ ഉള്ളൂ, പുതിയത് ആണ് ഇതുവരെ ഉപയോഗിച്ചിട്ടില്ല എന്നൊക്കെ ആണ് വിവരണം. ശേരി, എങ്കിൽ ഒന്ന് പോയി നോക്കി കളയാം. വിലാസവും വിവരങ്ങൾ ഒക്കെ മനസ്സിലാക്കി ഏകദേശം 40 കിലോമീറ്റർ ദൂരം ഉണ്ട്. പോകുവാനയി ഇറങ്ങുമ്പോ ആണ് ' മച്ചാൻ ' എന്ന് ഞാൻ വിളിക്കുന്ന സുഹൃത്ത് സജിൻ വിളിക്കുന്നത്. പുള്ളിക്കാരനോട് കാര്യം പറഞ്ഞപ്പോ പുള്ളിയുമ് വരാം എന്ന് പറഞ്ഞു, എങ്കിൽ ഒരു കൂട്ട് ആകുമല്ലോ ഒരുമിച്ച് പോകാം എന്നായി.
ലണ്ടൻ ഇലെ വാഹങ്ങൾ നിറഞ്ഞ പാർപ്പിട സൗധങ്ങളും ഓഫീസ് കെട്ടിടങ്ങളും പിന്നിട്ടു ഞങ്ങളുടെ കാർ വിശാലമായ വിവിധതരം കൃഷിയിടങ്ങൾ പിന്നിട്ട യാത്ര തുടർന്നു. ഏറക്കുറെ വിജനമായ വഴികൾ തന്നെ. മച്ചാൻ ഇത് പോലെ മാർക്കറ്റ് പ്ലേസ് ഇല് നിന്നും വാങ്ങി അതെ സാധനം കൂടിയ വിലക്ക് വിറ്റ കഥകൾ ഉൾപ്പെടെ പറയുകയാണ്. ഞങൾ രണ്ടു പേരും ഏറക്കുറെ ഒരുപോലെ ചിന്തിക്കുന്നവർ ആണ്, അതുകൊണ്ട് എനിക്ക് മച്ചാനോട് വളരെ തുറന്ന സംസാരിക്കാൻ സാധിക്കും. അത് പോലെ എൻ്റെ ചില ' സ്വഭാവ വൈകല്യങ്ങൾ ' ശേരിക്ക് മനസ്സിലാക്കിയ ആൾ അണ്. മച്ചാൻ ഇടക്ക് വിളിക്കും, ഞാൻ എടുക്കാൻ പറ്റിയില്ലെങ്കിൽ പിന്നീട് തിരിച്ചു വിളിക്കാം എന്ന് കരുതും പക്ഷേ വിളിക്കാൻ മറന്ന് പോകും. പിന്നെ ഞാൻ വിളിക്കുമ്പോൾ പോലും ഇതൊക്കെ ഞാൻ എത്ര കണ്ടിരിക്കുന്നു എന്ന മട്ടിൽ ആയിരിക്കും മച്ചാൻ സംസാരിക്കുന്നത്.
മച്ചാൻ പല കഥകളും സംസാരിക്കുകയാണ്, വളരെ വിരസമായി പോകുമായിരുന്ന ഒരു യാത്ര രസകരമായി മാറിയ സന്തോഷത്തിൽ ഞാൻ വണ്ടി ഓടിച്ച് കൊണ്ടിരുന്നു. കൃഷിയിടങ്ങൾ മാറി ചെറിയ കെട്ടിടങ്ങൾ കാണുന്നുണ്ട് ഇപ്പൊ. ഞങൾ പോകേണ്ടുന്ന വിലാസ്സത്തിന് ഇനിയും പത്തു മിനിറ്റോളം സഞ്ചരിക്കാൻ ഉണ്ട്. ' അയാൾക്ക് ഒരു മെസ്സേജ് അയക്കൂ നമ്മൾ ഇപ്പൊ എത്തും എന്ന് ' മച്ചാൻ പറയുകയാണ്, അപ്പോഴാണ് ഞാനും അതോർത്ത്തത്. എങ്ങനെയാണ് വാങ്ങേണ്ടത് എന്നൊന്നും പറഞ്ഞിട്ടില്ല. അന്ന് covid ഒക്കെ തുടങ്ങുന്ന സമയം ആണ്, ആളുകൾ മാസ്ക് വെക്കാൻ ഒന്നും അങ്ങനെ തുടങ്ങിയിട്ടില്ല. എങ്കിലും ചില മുൻകരുതലുകൾ ഒക്കെ ആളുകൾ എടുത്തു തുടങ്ങിയിട്ടുണ്ട്. വണ്ടി ഞാൻ റോഡിന് വശത്തിലേക്ക് ഒതുക്കി നിർത്തി, എനിക്ക് റിമോട്ട് തരാം എന്ന് പറഞ്ഞ ആൾക്ക് മെസ്സേജ് അയച്ചു. എവിടെയാണ് എങ്ങനെയാണ് റിമോട്ട് കൈമാറുന്നത് എങ്ങനെയാണ് പണം തരേണ്ടത് എന്നൊക്കെ. വളരെ പെട്ടെന്ന് തന്നെ ആൾ മറുപടി അയച്ചു. ' റിമോട്ട് ഞാൻ പുറത്ത് മെയിൽബോക്സിൽ ഇട്ടെക്കാം പണം 5$ മെയിൽബോക്സിൽ തന്നെ ഇട്ടിരുന്നാൽ മതി ' . എല്ലാത്തിനും ഉത്തരം ആയി, ഇനി വിലാസത്തിലേക്ക് പോകാം ഞാൻ കാർ മുന്നോട്ട് എടുത്തു. കഷ്ടിച്ച് അഞ്ചു മിനിറ്റ് യാത്ര ആൾ തന്ന വിലാസത്തിൽ ഞങൾ എത്തി. പഴയ വീടാണ് മുമ്പിൽ തന്നെ കാണാം മെയിൽബോക്സ്. ബോക്സിൽ പറഞ്ഞത് പോലെ തന്നെ റിമോട്ട് ഉണ്ടായിരുന്നു, അത് അവിടെ നിന്ന് എടുത്ത് 5$ തിരികെ ഇട്ടു. മച്ചാനോടൊപ്പം തിരിച്ചു യാത്ര. ഇനി ഏകദേശം 40 കിലോമീറ്റർ കൂടി അപ്പോ മൊത്തം ഒരു 80 കിലോമീറ്റർ, 10$ എങ്കിലും പെട്രോൾ ആയിട്ടുണ്ട്, മച്ചാൻ കൂട്ടുകയാണ്. അപ്പോ ലാഭം ഒന്നും ഇല്ല, പുതിയത് വാങ്ങാനും 15$ ആണ് പിന്നെ ചിലപ്പോ രണ്ടു ദിവസം എടുക്കും ഇത് പിന്നെ ഇന്ന് തന്നെ ഉപയോഗിച്ച് തുടങ്ങാം. ' അപ്പോ ലാഭം തന്നെ ' ഞാൻ പറഞ്ഞു. ' പിന്നെ എന്തായാലും ലാഭം അല്ലേ മച്ചാനെ നമ്മൾ ഇത്ര നേരം യാത്ര ചെയ്തില്ലേ, പുതിയ സ്ഥലങ്ങൾ ഒക്കെ കണ്ടില്ലേ, അതൊക്കെ ലാഭം അല്ലേ '. ഞാൻ പറഞ്ഞു. മച്ചാൻ നിശബ്ദനായി പുറത്തേക്ക് നോക്കിയിരിക്കുകയാണ് എൻ്റെ കണക്ക് മച്ചാന് ദഹിച്ച മട്ടില്ല. വണ്ടി പകുതി വഴി ആയിക്കാണും മച്ചാൻ ആണ് നിശബ്ദത അവസാനിപ്പിച്ച് സംസാരിച്ചത്, ' ആ വഴി വലത്തേക്ക് പോയാൽ നല്ലൊരു സ്ഥലം ഉണ്ട് '. ഏകദേശം 400 മീറ്റർ മുൻപിലായി വലത്തേക്ക് ഒരു വഴി , ഞങൾ പോകുന്ന വഴി തന്നെ വളരെയേറെ നേരം കൂടുമ്പോൾ ആണ് ഒരു വണ്ടി കാണാൻ സാധിക്കുന്നത്. വലത്തോട്ടുള്ള വഴി പൂർണമായും ഒറ്റപെട്ടത് ആകാൻ ആണ് എനിക്ക് തോന്നിയത്. ' പോയാലോ മച്ചാനെ ' ഞാൻ ചോദിച്ചു. മച്ചാൻ തലകുലുക്കി. വണ്ടി വലത്തോട്ട് തിരിഞ്ഞു, നോക്കെത്താദൂരത്തോളം പരന്നു കിടക്കുന്ന തരിശു സ്ഥലം ആണ് ഇരുവശവും. ഒരു 10 കിലോമീറ്റർ ചുറ്റളവിൽ പോലും ഞങ്ങളുടെ വണ്ടി അല്ലാതെ മറ്റൊരു വാഹനമോ മനുഷ്യ ജീവിയോ ഇല്ലാത്തത് പോലെ ആണ് ഞങ്ങൾക്ക് തോന്നിയത്. ഈ ഭൂമിയിൽ അവശേഷിക്കുന്ന അവസാനത്തെ രണ്ടെ രണ്ടു മനുഷ്യരെ പോലെ ഞങൾ വണ്ടിയിൽ ഇരുന്നു, കാർ ഒരു 20 മിനിറ്റോളം സമയം സഞ്ചരിച്ചു , ഇപ്പൊൾ ഞങ്ങൾക്ക് മുൻപിലായി ഒരു ടൗൺഷിപ്പ് കാണാൻ സാധിക്കുന്നുണ്ട്, പഴയ കുറച്ചു വീടുകൾ, ചെന്ന് കയറുന്നത് തന്നെ ഒരു പാർക്കും ഒരു ചെറിയ മണി പോലെ ഒരു സ്തൂപം ഒക്കെ ഉണ്ട്.പഴയ ഒരു കമ്മ്യൂണിറ്റി ആണ് കണ്ടാൽ അറിയാം ഒരു 50 വീടൊക്കെ യേ മൊത്തത്തിൽ കാണൂ എന്ന് തോനുന്നു. കുറച്ചു നേരം ആ പാർക്കിൽ ഇരുന്നു, വളരെ മനോഹരമായ സ്ഥലം. എന്തായാലും ഇങ്ങോട്ടേക്കു വരാനുള്ള തീരുമാനം നന്നായി. കുറച്ചു നേരം അവിടെ ചിലവഴിച്ചതിന് ശേഷം ഞങൾ വീണ്ടും യാത്ര തുടർന്നു. ഈ യാത്ര വളരെ നന്നായി എനിക്കും മചാനും ഒരേ അഭിപ്രായം. മച്ചാനെ അപ്പാർട്ട്മെൻ്റിൽ ഇറക്കി ഞാൻ എൻ്റെ അപാർട്ട്മെൻ്റലേക്ക് തിരിച്ചു. വീട്ടിൽ നിന്ന് രാവിലെ ഇറങ്ങിയതാണ് റിമോട്ട് വാങ്ങിക്കാൻ. മലയാളം ചാൻലുകൾ കാണണമെങ്കിൽ റിമോട്ട് എത്തണം. വീട്ടിലെത്തി പുതിയ രണ്ടു ബാറ്ററി എടുത്തു റിമോട്ടിൽ ഇട്ടു ചാനൽ മാറ്റുകയാണ് ഞാൻ. ഇല്ല, ഒന്നും സംഭവിക്കുന്നില്ല. ഇനി ബാറ്ററി ടെ കുഴപ്പം ആയിരിക്കുമോ.? വേറെ രണ്ടു ബാറ്ററി ഇട്ടുനോക്കി, ഇല്ല ഇത് ബാറ്ററി ടെ പ്രശ്നം അല്ല റിമോട്ടിൻ്റെ ആണ്. ' രാവിലെ ഇറങ്ങി പോയതാണ് വൈകുന്നേരം വരെ കളഞ്ഞു കേടായ റിമോട്ടും കൊണ്ട് വന്നിരിക്കുന്നു ഇങ്ങനെ ഒരു മനുഷ്യൻ ' ആര്യ യുടെ വക ശകാരവും ഉണ്ട്. കേടായ റിമോട്ട് വാങ്ങിയാൽ എന്താ കണ്ട കാഴ്ചകൾ വിലമതിക്കാൻ പറ്റാത്തത് അല്ലേ ? അത് പറഞാൽ അവൾക്ക് മനസ്സിലാകുമോ..??
